.::JOXE MARI IPARRAGIRRE::. Bigarren Hezkuntzako Institutua

:: HOME> INFORMAZIOA> Departamentuak> Beste batzorde batzuk

BIZIKIDETZA

SEGURTASUNA ETA HIGIENEA

NORMALKUNTZA

AGENDA 21

Bizikidetza Batzordea

2002-2003 ikasturtean zenbait gatazka gertatzen ari zirela ikusirik, ikastetxe mailan elkarbizitzaren inguruan zerbait egiteko beharra ikusi genuen.

Honen ondorioz, hurrengo ikasturtean Bizikidetza Batzordea sortu zen. Batzorde hau bost irakaslek osatzen dute eta Berritzeguneko aholkulariak ere bertan parte hartzen du. Astero biltzen dira prestakuntza jasotzeko eta elkarbizitzari dagozkion hainbat erabaki hartzeko.

Honela, nondik abiatu behar genuen jakin ahal izateko, ikastetxeko diagnostikoa burutu zuen GEUZ (Gatazken Eraldapenerako Unibertsitate Zentroa) taldeak.

Bizikidetza Batzordearen helburu nagusiak honakoak dira:
	Eskola-komunitatea gatazken eraldapenean trebatzeko prestakuntza bideratzea.
	Ikasle eta irakasleak edozein gatazkaren aurrean bakarrik ez sentitzeko bitartekoak ezartzea.
	Ikastetxean sortzen diren gatazken aurrean aholkuak ematea.

Segurtasun eta higiene batzordea

Batzorde hau Idazkari ordeak, "Erizaintzako zaintza osagarriak" Heziketa Zikloko irakasle batek eta administrazio eta zerbitzuetako langile batek osatzen dute .

Honako funtzioak betetzen ditu:
	Zentroko larrialdien plana burutu edozein ezbeharren aurrean eman beharreko erantzuna prestatzeko.
	Urtean behin itxurazko ikastetxearen hustutzea prestatu eta egin.
	Edozein istripuren aurrean izan behar den jokaera arautu.
	Ikastetxe bertako eta eskolaz kanpoko ekintzetako botikina osatu.
	Irakasle eta ikasleen osasun arazoen aurrean prebentzio neurriak hartu, bereziki kutsatze arriskua ematen den kasuetan.
	Ikastetxeko garbitasuna eta itxura zaintzeko proposamenak jaso eta neurriak hartu, eskola komunitate osoarentzat beharrezko ikusten diren ekintza eta kanpainak burutuz.
	Garbitasun eta osasun pertsonala zaintzeko proposamenak jaso eta neurriak hartu.

Hizkuntza Normalkuntzarako Batzordea

Iparragirre Institutua Ulibarri programan sartuta dago 1997 urteaz geroztik, programa honen helburua EAEko ikastetxeetan euskararen normalkuntzaren alde egitea da. Honen emaitzetako bat da 2002-2003 ikasturtean osatu eta onartutako Hizkuntza Proiektua, hau da, euskararen arloan nola jokatu zehazten duen agiria. Honen helburu nagusia ikastetxean euskararen ezagutzan, erabileran eta motibazioan eragitea da.

Proiektu hori aurrera eramateko urtero Hizkuntza Plana aurkezten zaie Klaustroari eta OOGri, Normalkuntza Batzordeak du horren ardura. Batzorde honetan ikastetxeko estamentu guztien ordezkariak daude.

Agenda 21- Jasangarritasunerako hezi

Aurten,EA21eko egitasmoarekin jarraituko dugu eta aurreraeramango dugu iaz sinatutako konpromezua.

Bailarako beste ikastetxeekin adostutako gaia izango da gure lan ardatz nagusia. Gai hau ENERGIA da eta horren inguruan mintegi guztiak arituko gara.

Helburuak:

Ikastetxea ingurumenaren aldekopraktika baten eredu bilakatzea.
Ikasleak herritar partizipatzaileak izaten ohitzea.
Ikastetxeko eta herriko jasangarritasunaren aldeko erabakiak hartzeko egitura bat sortzea eta akordioetara iristea.
Hezkuntza-komunitateko partaide guztien arteko koordinazi-mekanismoak sendotzea.
Herriko Agenda 21ean parte hartzea.

Ekintza plana:

Ikasgai bakoitzeko curriculumaren egokitzapena, Ingurugiro Hezkuntza eta Garapen Jasangarria kontutan hartuz.
Ikastetxearen azterketa burutzea, bere kontsumoak eta ingurugiroan duen eragina aztertuz, hau da, ikastetxeren diagnostikoa egitea, hobekuntzarako ekintza plan bat zehazteko jasangarritasunerantz.
Eskoletako foroan eta Udal Foroan parte hartzea. Tokiko Ageda 21eko laguntzaileak izatea.